影片
更多
2019-08-17
1934 瀏覽
上星期朋友生日，放工同成班女仔去咗西營盤嘅Winery食生日飯。餐廳環境放咗好多植物，餐廳裝修同枱櫈都係綠色同啡色為主，好有大自然feel，個vibe好chill好舒服，最啱影相打卡。9點前係happy hour，cocktail都係 $50咋，叫咗杯passionate fruit味嘅cocktail On The Vine，甜甜哋幾清新。朋友嗰杯vanilla milkshake都好有雲呢拿味，好smooth，幾好飲。食物叫咗個炸雞上面哂咗啲芝麻，食落好夠味，肉質好細滑多汁，感覺唔太油膩。三文魚taco少少辣，塊皮軟得嚟脆脆哋，加埋啲醬汁成個咬落去味道好豐富好清新。 羊肉棒嘅羊肉好有羊嘅酥味，可惜肉質有少少韌。芝士nachos好香脆，份量好多好足料。三文魚卷就普通啲啦。吞拿魚沙律材料好新鮮，柚子汁酸酸甜甜好清新，吞拿魚肉一啲都唔腥，牛油果好滑，疏菜好清甜連埋granola好有口感。不過真係要讚下個服務員，好nice好好笑容，仲要見我哋朋友生日，送咗我哋每人一shot tequila，生日嗰個就3 shots。又幫我哋應相，係抵讚嘅。
9點前係happy hour，cocktail都係 $50咋，叫咗杯passionate fruit味嘅cocktail On The Vine，甜甜哋幾清新。朋友嗰杯vanilla milkshake都好有雲呢拿味，好smooth，幾好飲。
食物叫咗個炸雞上面哂咗啲芝麻，食落好夠味，肉質好細滑多汁，感覺唔太油膩。三文魚taco少少辣，塊皮軟得嚟脆脆哋，加埋啲醬汁成個咬落去味道好豐富好清新。
羊肉棒嘅羊肉好有羊嘅酥味，可惜肉質有少少韌。
芝士nachos好香脆，份量好多好足料。
三文魚卷就普通啲啦。吞拿魚沙律材料好新鮮，柚子汁酸酸甜甜好清新，吞拿魚肉一啲都唔腥，牛油果好滑，疏菜好清甜連埋granola好有口感。
不過真係要讚下個服務員，好nice好好笑容，仲要見我哋朋友生日，送咗我哋每人一shot tequila，生日嗰個就3 shots。又幫我哋應相，係抵讚嘅。
張貼
