影片
更多
2022-08-06
117 瀏覽
今日慶祝生日，食我最鍾意嘅鐵板燒今日呢間係第一次食，book左8點，準時上到去嘅時候，餐廳職員表示未有位，所以請我地去食壽司嗰邊坐住等等左10分鐘都未有客交枱，職員就送上熱茶，枝豆同鱈魚乾，比我地邊食邊等。今日食嘅係龍蝦餐（$2380 再加一）二人份量前菜係酒浸日本鮑魚食落甜甜地，鮑魚肉質彈牙而且有淡淡嘅酒香，好食😋另外就有一份沙律，係藜麥秋葵沙律個汁酸酸甜甜，沙律菜都好新鮮。我唔食秋葵所以評論唔到。之後上嘅第三道菜就係汁煮白鱈魚塊魚皮真係不得了，廚師煎得好香口而魚肉肉質好嫩滑，再配搭上特製嘅洋蔥汁就更好食😋第四道菜係主角 - 龍蝦隻龍蝦好大隻，個肉質好彈牙好鮮甜再配搭個龍蝦海膽汁真係好香好好味！😋第五道菜就係季節料理而今次係蒜蓉炒日本天白菇本身就好鐘意食菇嘅我覺得個菇雖然厚身大隻，但好腍，一咬落去重菇味不過呢道菜只有2舊菇，若果可以有多少少蔬菜會更好第六道菜係A5和牛廚師將表面煎到焦脆，咬落去好多肉汁同油脂香，真係好好好食😋職員亦有叫我地可以試下唔同嘅食法，配鹽、山葵或者紅酒汁👍🏻第七道菜係炒飯平時食開鐵板燒佢跟嘅都係和牛炒飯，而呢間嘅炒飯只有蒜蓉，瑤柱絲同雞蛋，雖然冇肉嘅香，但係炒
今日呢間係第一次食，book左8點，準時上到去嘅時候，餐廳職員表示未有位，所以請我地去食壽司嗰邊坐住等
等左10分鐘都未有客交枱，職員就送上熱茶，枝豆同鱈魚乾，比我地邊食邊等。
今日食嘅係龍蝦餐（$2380 再加一）二人份量
前菜係酒浸日本鮑魚
食落甜甜地，鮑魚肉質彈牙而且有淡淡嘅酒香，好食😋
另外就有一份沙律，係藜麥秋葵沙律
個汁酸酸甜甜，沙律菜都好新鮮。我唔食秋葵所以評論唔到。
之後上嘅第三道菜就係汁煮白鱈魚
塊魚皮真係不得了，廚師煎得好香口
而魚肉肉質好嫩滑，再配搭上特製嘅洋蔥汁就更好食😋
第四道菜係主角 - 龍蝦
隻龍蝦好大隻，個肉質好彈牙好鮮甜
再配搭個龍蝦海膽汁真係好香好好味！😋
第五道菜就係季節料理
而今次係蒜蓉炒日本天白菇
本身就好鐘意食菇嘅我覺得個菇雖然厚身大隻，但好腍，一咬落去重菇味
不過呢道菜只有2舊菇，若果可以有多少少蔬菜會更好
第六道菜係A5和牛
廚師將表面煎到焦脆，咬落去好多肉汁同油脂香，真係好好好食😋
職員亦有叫我地可以試下唔同嘅食法，配鹽、山葵或者紅酒汁👍🏻
第七道菜係炒飯
平時食開鐵板燒佢跟嘅都係和牛炒飯，而呢間嘅炒飯只有蒜蓉，瑤柱絲同雞蛋，雖然冇肉嘅香，但係炒得好惹味，都忍唔住食哂成碗😋
第八道菜係一碗簡簡單單嘅雞湯
冇乜特別，不過都好味👍🏻
最後就係甜品
我就揀左柚子雪糕👍🏻
張貼
