愛茶 (已結業)

抗疫除了做運動，亦需要飲多啲及食多啲健康嘅食物，茶葉嘅抗氧化都好高，今日食完飯特登黎飲杯茶健康一下。呢間原來係英記茶莊開嘅茶飲店，所以主打係中國茶普洱、香片、烏龍茶等炮製嘅飲品。雪峰茶啡其實好似港式鴛鴦，只不過用普洱茶同咖啡混合再加上一層奶泡，飲落比港式鴛鴦茶味更濃，淡淡然嘅茶香，飲完後更有餘韻。鮮果冠軍烏龍生果多過茶，生果有西柚、西瓜、菠蘿、士多啤梨、奇異果同青檸等，生果十分新鮮，烏龍茶比較厚身，茶味濃。