泰式食

營業中

休息中

朋友話想食泰國菜，於是我地就黎到銅鑼灣嘅泰式食泰菜。我地order左芝士焗蠔，泰式金邊粉，沙拉蝦，肉碎生菜包，泰式冬蔭功湯同埋炸魚餅。首先講下芝士焗蠔，一碟有4件，蠔上面有好多芝士，有芝士香味，d蠔好重蠔味好多汁，冇沙，如果可以加少少洋蔥同蒜嘅話，口感會更加好。個人覺得最好食嘅係肉碎生菜包同埋泰式冬蔭公湯。生菜包嘅肉碎炒得好香好濃味，如果就咁食會覺得咸左d，但係配埋生菜就好好食。泰式冬蔭公湯第一下飲落去唔辣，但係越飲越覺得辣辣地，而且唔會好油，正! 下次再黎嘅一定會encore冬蔭公湯同生菜包。但係今次佢嘅泰式金邊粉冇以前整得咁好食，有少少失望，而且炸魚餅亦都麻麻地。野飲方面一定要飲佢嘅珍多冰，好好飲，好重椰子味。