皇后冰廳 (已結業)

長沙灣愈黎愈多特色餐廳同cafe，哩晚同屋企人食下哩間，經過好幾次，今晚一於試試佢。推開門見到2盞水晶燈好靚呀，裝修藍白色，舒適。野食選擇都好多，而且價錢都好親民。正呀，有生蠔推廣，買五送一，試下先。法國生蠔 $20/隻做緊買五送一既優惠！上枱賣相靚，蠔都唔細隻，係新鮮既，唔錯！哩個係優惠價+$12加配沙律黎嫁，份量大到好抵食呀，唔講以為單點，仲有白湯。日式黑豚肉漢堡 $58用上黑竹炭包，烘至脆身，塗上牛油，好味，黑豚肉入味，配搭得好，薯條有雙色，有蕃薯條，正。鮮茄焗豬扒意粉 $42真係抵食過自己煮呀，大大碟，豬扒好林，意粉軟度剛好，性價比幾高。奶茶紅豆冰 $32/跟餐半價夏日之選，奶茶唔會太甜。