Su Casa (已搬遷) 新店位置

今晚路過石門搵好野食，行過餐廳門口見生蠔買一送一，就入店嘗試一下。我們二人叫了兩個set dinner，有餐湯，送一杯菠蘿亞麻籽綠茶，order左炭燒豬扒和煙三文魚蟹籽意粉，原來加$48已可以有廚師發板精選生蠔兩隻，非常抵食。廚師選了南非生蠔，生蠔好新鮮，海水味剛好，非常滿意。意粉好多料味道不錯，炭燒豬扒可以再煮冧啲。整體食物幾好，特別係生蠔有驚喜。值得一讚係侍應服務好好，態度誠懇笑容可掬，會細心解答問題，又會主動為我們更換餐碟。一定會再次幫襯。