影片
更多
2025-02-18
0 瀏覽
紀念活動，有朋友介紹呢間上環嘅餐廳，話個甜品可以滑碟，同時佢依家仲做緊優惠，可以以$1隻叫法國生蠔，於是今晚就嚟呢度試吓。Green Orange法國生蠔 $1/隻首先最重要嘅優惠，只要叫一個主菜，每位都可以以$1/隻order法國生蠔，每人最多叫五隻。我本身冇乜期望，因為咁平嘅生蠔一定唔好食，但結果係跌晒眼鏡。呢個法國生蠔有着非常Creamy飽滿嘅口感，而唔係淨係賣海水味，係非常高質嘅生蠔。炸法式鱈魚球 $98特別嘅頭盤，一共六粒嘅炸嘅鱈魚球，惹味可口，又唔會好滯，作為頭盤相當唔錯。火炙長腳蟹沙律 $108相當大盤嘅沙律。唔好睇佢得幾隻長腳蟹腳，佢仲有大量鮮甜嘅芒果同蘋果作陪襯，比起頭盤佢先係真正可以食飽人嘅前菜😆。虎蝦海鮮濃湯 $108其實就係龍蝦湯，不過佢有大量海鮮夾雜喺入邊。包括虎蝦、青口、巨型帶子等。有咁多名貴海鮮，其實係幾抵飲嘅。燒阿根廷紅蝦海膽扁意粉 $278阿根廷紅蝦，雖然冇西班牙紅蝦咁高級，但佢勝在大隻爽口，而且燒得好香口。一個意粉可以擺三隻巨型阿根廷紅蝦，其實已經好有威勢。海膽醬意粉已經係今時今日意粉嘅常規武器，除咗好似蛋黃醬嘅味道，佢亦都有好重嘅蒜味。開心果巴斯克
Green Orange
法國生蠔 $1/隻
首先最重要嘅優惠，只要叫一個主菜，每位都可以以$1/隻order法國生蠔，每人最多叫五隻。我本身冇乜期望，因為咁平嘅生蠔一定唔好食，但結果係跌晒眼鏡。呢個法國生蠔有着非常Creamy飽滿嘅口感，而唔係淨係賣海水味，係非常高質嘅生蠔。
炸法式鱈魚球 $98
特別嘅頭盤，一共六粒嘅炸嘅鱈魚球，惹味可口，又唔會好滯，作為頭盤相當唔錯。
火炙長腳蟹沙律 $108
相當大盤嘅沙律。唔好睇佢得幾隻長腳蟹腳，佢仲有大量鮮甜嘅芒果同蘋果作陪襯，比起頭盤佢先係真正可以食飽人嘅前菜😆。
虎蝦海鮮濃湯 $108
其實就係龍蝦湯，不過佢有大量海鮮夾雜喺入邊。包括虎蝦、青口、巨型帶子等。有咁多名貴海鮮，其實係幾抵飲嘅。
燒阿根廷紅蝦海膽扁意粉 $278
阿根廷紅蝦，雖然冇西班牙紅蝦咁高級，但佢勝在大隻爽口，而且燒得好香口。一個意粉可以擺三隻巨型阿根廷紅蝦，其實已經好有威勢。海膽醬意粉已經係今時今日意粉嘅常規武器，除咗好似蛋黃醬嘅味道，佢亦都有好重嘅蒜味。
開心果巴斯克芝士蛋糕 $90
意大利Tiramisu $88
我哋叫咗兩個甜品，餐廳為咗遷就寫字畫碟，就將佢哋擺埋一齊😆。餐廳無論寫字定畫碟都做得好靚，最重要係唔使加錢，嚟呢度慶祝，寫返個慶祝字句，一流。
Assorted tea - 茉莉 $42
最後叫返個茶嚟飲，一杯茉莉花茶，用上玻璃杯連蓋，夠晒精緻，茶亦夠熱，好濃嘅茉莉味，不在話下。
呢度環境雅致，有情調，嘢食特別亦有質素，加上一蚊生蠔同寫字或碟嘅甜品，嚟呢度慶祝真係好唔錯。
張貼
