樺得園 (已結業)

好難得嘅生酮餐廳，好耐之前食過一次，最近又生酮，再去食好西。 生酮近江牛漢堡漢堡好好味，好有肉汁，又鬆軟。麵包都ok，生酮包嚟講都算唔錯， 唔會好硬，亦都唔會太淋，質感剛剛好。 英式全日早餐魚柳炸得好鬆脆，多士亦都好鬆軟。 外賣了一塊生酮格仔餅、兩個生酮麵包，同埋生酮花生醬。返屋企焗熱佢，格仔餅質地軟硬適中，花生醬甜味夠，有啲杰，加埋一齊食都幾好味。 不過價錢比一般嘅格仔餅同埋花生醬都偏貴。 如果自己唔想整，出去買，都係一個唔錯嘅選擇。