香馥樓

營業中

休息中

🤝松子鮮拆蟹肉粉絲煲，嚟到嘅時候忍唔住即刻攞電話出嚟打咭，味道非常香噴噴，而且見到好大件嘅蟹肉喺粉絲上邊，淨係食蟹肉都抵食，蟹肉再加埋粉絲呢一個配搭其實真係冇得輸，再加埋少少辣椒，成個配搭做得非常好。店員會幫我哋撈埋一齊，成個口感非常好食，再加埋松子我同朋友都非常鍾意呢一個配搭。粉絲吸入咗蟹肉嘅香味，再加上少少豉油調味，成個口感非常高級，而且要做到呢一個乾身嘅程度非常考廚師嘅功夫，呢一個餸真係好好味，值得推介比大家。🤝杞子桂花糕味道好清香，係消暑必備佳品、夏天食真係必吃。 佢有美白肌膚、排解體內毒素、潤腸通便既作用，所以女仕們真係必吃。桂花中入面既芳香物質亦可以稀釋痰液，促進呼吸道痰液排出，所以功效好好，而且整體上唔會太甜，好食！🤝叉燒，一食入口係散發香氣而且入口好鬆軟。餐廳係製作叉燒時火侯做得好，做到同時不失肉質既咬口，叉燒咬落去嘅時候亦都唔會太乾，非常有肉汁，再加埋甜甜地嘅口感，我會覺得非常有驚喜，冇諗過可以食到呢一個質素嘅叉燒！🤝老火燉湯都做得非常好飲，非常足料，而且餐廳係用一個細細地嘅茶壺上，再到落去細細的茶杯，成件事非常精緻，而且餐廳嘅湯非常香濃，茶壺入邊仲有新鮮嘅材料。我哋