影片
更多
2024-11-03
31 瀏覽
之前經開深水埗，已經俾呢間鋪頭出面嘅霓虹光管吸引，咁啱朋友聚腳要飲酒吹水又有人提議食燒烤，就一於試試佢～我哋一行3人前後叫咗：1）周年紀念特惠套餐（$98）一個套餐有足31串食物加2枝支裝汽水，入面有雞肉串、燒豬腩肉、雞腎、雞軟骨、魷魚鬚、娃娃菜、四季豆，種類夠晒豐富，尤其個口豬腩肉做得相當出色，厚切嘅連皮豬腩肉皮脆，但啲肉仲係有肉汁嘅，而且味道令我印象深刻，問返店家原來佢哋個燒烤汁都係加咗啤酒落去一齊煮，味道層次好豐富2）烤牛胸爽（$28/串）叫咗兩串牛胸爽，一上枱已經聞到龍龍嘅牛脂香味，食落去外面焦香油香並重，最後係牛胸爽帶嚟嘅爽口口感，不過呢個一定要趁熱食3）燒牛舌芯 （$28/串）牛舌芯厚度足夠，生熟度剛好，一咬落去啲肉汁就爆晒出嚟4）燒雞中翼（$14/串）又係燒到皮脆肉嫩，加上$14已經有兩隻雞中翼，雞翼怪表示食到欲罷不能5）汁燒羊架（$78/2件）香嫩嘅羊架配返佢哋個秘製燒烤汁，真係冇得頂6）燒茄子 （$28/條）望落去同其他燒烤店嘅茄子冇乜分別，點知食落去就驚喜萬分，喺厚厚嘅蒜蓉入面食到一啲脆脆地嘅口感，原來店家切碎咗啲蘿蔔乾溝埋落去蒜蓉度，食落去無論個味道同埋口感層次即
我哋一行3人前後叫咗：
1）周年紀念特惠套餐（$98）
一個套餐有足31串食物加2枝支裝汽水，入面有雞肉串、燒豬腩肉、雞腎、雞軟骨、魷魚鬚、娃娃菜、四季豆，種類夠晒豐富，尤其個口豬腩肉做得相當出色，厚切嘅連皮豬腩肉皮脆，但啲肉仲係有肉汁嘅，而且味道令我印象深刻，問返店家原來佢哋個燒烤汁都係加咗啤酒落去一齊煮，味道層次好豐富
2）烤牛胸爽（$28/串）
叫咗兩串牛胸爽，一上枱已經聞到龍龍嘅牛脂香味，食落去外面焦香油香並重，最後係牛胸爽帶嚟嘅爽口口感，不過呢個一定要趁熱食
3）燒牛舌芯 （$28/串）
牛舌芯厚度足夠，生熟度剛好，一咬落去啲肉汁就爆晒出嚟
4）燒雞中翼（$14/串）
又係燒到皮脆肉嫩，加上$14已經有兩隻雞中翼，雞翼怪表示食到欲罷不能
5）汁燒羊架（$78/2件）
香嫩嘅羊架配返佢哋個秘製燒烤汁，真係冇得頂
6）燒茄子 （$28/條）
望落去同其他燒烤店嘅茄子冇乜分別，點知食落去就驚喜萬分，喺厚厚嘅蒜蓉入面食到一啲脆脆地嘅口感，原來店家切碎咗啲蘿蔔乾溝埋落去蒜蓉度，食落去無論個味道同埋口感層次即刻豐富咗
7）生啤 （$198/2L)
冇睇咗，$198，酒吧happy hour價，有1664、Asahi，Sapporo ，真係好抵飲，3個人飲完兩個tower仲爭少少，單杯再叫都只係$58/杯
飲到最後好似仲叫咗啲嘢食（醉醉地已經唔記得叫咗乜） ，最後埋單人均先$300，食完搭埋的士返屋企都$400有找，使鬼嘥時間上深圳咩！留港消費，起碼唔使擔心自己食咗啲乜嘢科技與狠活先，價錢有相差無幾，又唔需要舟車勞頓。其實有心發掘到香港仲係有好多值得支持嘅小店嘅
烤羊架
$78
0 瀏覽
0 讚好
0 留言
牛舌芯
$28
33 瀏覽
0 讚好
0 留言
牛胸爽
0 瀏覽
0 讚好
0 留言
套餐
0 瀏覽
0 讚好
0 留言
蒜蓉燒茄子
$28
0 瀏覽
0 讚好
0 留言
生啤2L
$198
0 瀏覽
0 讚好
0 留言
張貼
