常嚐食•深燒堂 (已結業)

同朋友行旺角買野，行到攰攰地，想食野，咁啱見到呢間食串燒嘅餐廳，喺餐廳外邊已經望到廚師燒緊串燒，就吸引左我地入去。呢間餐廳串燒選擇都幾多，價錢都唔貴，老闆話除左大東北燒法，仲有日式同台灣嘅燒法，睇得出老闆對串燒的認真態度。我們點了：燒花甲（＄78）：冇諗過花甲咁大粒，脹卜卜，非常鮮味，冇沙，而且份量亦多，底部金菇索滿湯汁，又帶微辣，真係好惹味原條茄子（＄48）：茄子好大條，而且燒到好林，好易就離到肉，調味非常美味，蒜蓉又香口煙肉蕃茄（＄25）：煙肉脆而不乾，蕃茄juicy，同煙肉真係好夾京蔥豬頸肉（＄35）：大大粒京蔥好香口，豬頸肉油脂亦都好香羊腩粒（＄48）：類似排骨嘅部位，羊味唔氈，帶孜然粉味雞肉串（＄22）：雞肉嫩滑，燒得很香雞中翼（＄28）：唔同平常串燒店咁會切開雞翼來燒，咁樣就更能令雞肉juicy，而且皮燒得好香脆，雞翼亦都好大隻燒飯團（＄28）：成日食出邊好多燒飯團都好乾，呢度唔會，而且燒完仲保留到飯嘅黏性，調味又啱啱好，紫菜亦都脆口呢間餐廳串燒真係非常出色，而家環境亦都坐得舒適，朋友走嘅時候已經話下次再黎食多次了。