星廚 (已結業)

再次光臨，發覺此店已由長沙灣細鋪搬至太子，位置不同了，更方便！新店比以前大D，檯櫈多左，鋪面同裝修都新簇簇，還加了些擺設。是日餐湯係蘑菇野菌湯，湯底濃稠，一粒粒好想咀嚼但又咬唔到既細蘑菇粒，菇味超濃！經烘烤既香草牛油多士脆卜卜，食完一塊想再食七成熟既香煎西冷牛扒夠曬厚，肉質豐富可自決蘸幾多牛油，薯菜中仲有杏鮑菇片及沙律，有助消膩！另上既意粉口感彈牙，份量雖然無以往既多，但份量就剛好，唔會浪費啦！意式千層麵麵皮較厚，外層可見溶於表面既芝士、內裡則有勁多肉碎，只是略嫌不太多汁！雖然維持茶餐廳既佈置，但以經濟既價錢食到份量足且味道依舊好味，還見到於廚房中忙碌既老闆親力親為，誠意可嘉