秋千.在 (已結業)

一直被佢呢一個下午茶set所吸引，今個週末，一於前來拜訪，同老公撐撐枱腳試試味，大家記住要提早預約！！✨貝果日式小丸子蟹柳紫菜、煙三文魚原味、慢煮雞肉紅菜頭、手撕豬肉泡菜芝士竹炭，一共四款口味。先要讚一讚佢每一個貝果皮都相當有嚼勁，口感實淨，而且望落細細件，但係實際用料大方且澎湃。🥯 以模仿章魚小丸子的最為有特色，外型別緻，加入紫菜、木紫魚同日式醬汁，入口甜絲絲的！煙三文魚嘅鹹配上青瓜嘅清爽，亦係常見有冇得輸嘅配搭；慢煮雞肉紅菜頭貝果絕對係驚喜之作，雞肉相當厚身，口感極嫩；最後品嚐帶有辣味嘅貝果，豬肉之上再加片芝士作中和，韓式風味濃厚！✨甜點黑朱古力車厘子兩者均有一定份量，慕絲鏡面做得脆身，朱古力味濃郁，裏面蘊藏住酸酸甜甜嘅車厘子，底部配以brownie 撻 ，口感豐富；抹茶芝士蛋糕做得頗為出色，抹茶粉份量合適，食落帶點清香幽澀，兩者並無喧賓奪主 ；伯爵茶檸檬以可愛的免仔造型登場，檸檬略略搶過風頭，感覺清香Fresh Fresh 的；白朱古力蘋果用上天鵝造型，令人唔想破壞，蘋果蓉果香味好夠，惟白古力確是甜度較高；而數到小編今日大愛：Tiramisu 撻嘅撻皮夠鬆脆，忌廉做得輕盈不膩口，