雲魅 (已結業)

平日中．西．日．韓食得多，今日嚟旺角揀咗呢間滇菜，食式的確有驚喜。環境好舒適，加上開放式廚房，感覺更乾淨衛生。Lunch Set跟飲品，價錢好抵食。揀咗「雲魅香辣湯」湯底熱辣辣，滾住上。鮮蝦爽口大大隻，帶子肥美大粒。肥牛滾完都唔靭．七彩麵混在一齊，顏色好靚，口感幼滑。無誇張，今餐真心有驚喜👍🏻菜式好靚好精緻。桌上有指引，將配料跟著次序放入鍋內。朋友試咗雲南最馳名嘅「小鍋米線」「傣族手撕鬼雞」都大讚好好食😋下次必定再嚟。