Uncle Pizza, Pasta & Grill (已結業)

今日同柑太行完元創方，就係蘇豪區食飯，一直以為呢個地方食一餐隨時千上千落，但原來都有平民價錢，一流質素的餐廳。uncle pizza, pasta&grill入面既薄餅全部都係以uncle xxx為名，但其實餐牌都解釋番係乜野類型既薄餅。而其他好似餐前小食及意粉都係用番正常名稱，等食客易d明白。講番店內裝潢，簡單單一色調，沉實不沉悶，一道紅色梳化令人眼前一亮，而且另一邊牆身的拼圖又帶點挑皮風格，正如佢地餐牌一樣，正經又帶點風趣幽默一般。餐前小菜炸雞單骨雞炸得非常好味，脆皮不單又薄又脆，難得係入面食到有黑椒的味道，令雞肉的味道不再單調，反而提升了本身食物的層次，再單上bbq醬汁，惹味程度更上一層樓。忌廉蘑菇湯香濃的蘑菇及松露香味令人精神為之一振，入口第一感覺是不稠不淡，味道剛好，蘑菇粒咬口十足。uncle cowboy辣肉腸薄餅，最辣其實是辣椒，薄餅底很薄，但烤出來不單是外皮香脆，咬落猶如威化般鬆化，檻欖經過醃製更酸胃激起食欲、辣肉腸烤得洽到好處，食落不會覺得太硬，薄餅的蕃茄汁甜中帶酸，解辣之餘令人愈食化開胃。龍蝦汁海鮮意粉以龍蝦汁底煮出的意粉，芳香四溢，食落味道濃郁，但又不帶油膩反而有