風流居酒屋 (已結業)

今日同一班朋友慶祝朋老友生日， 搵咗間在銅鑼灣登龍街嘅日式居酒屋去試下， 放工就即刻出發，上到去都唔係好多，可能因為時間仲早，而我哋又未齊人， 就坐低吹下水啦 ，呢度好有日本嘅居酒屋裝潢風格， 周圍放咗好多日本清酒嘅樽 ，另外亦都放左啲日式嘅燈籠及海報，燈光柔和，座位闊落 ， 最正就係播住啲大家熟悉嘅日文歌， 所以坐得舒服之餘亦有置身日本居酒屋嘅感覺。而呢度嘅服務亦認真唔錯 ，見我哋人齊之後就推介左幾款主菜比我哋。仲幫我哋將食物分好曬一人一份先上枱，咁就唔使爭食啦每款食材亦好新鮮 ，睇得出廚師好有心機去準備食材， 價錢亦都合理 ，下次可以再同其他朋友再 encore 。好多清酒樽炸軟殼蟹三文魚子配溫泉蛋 蟹肉日式蒸蛋油甘魚，拖羅 ，金目鯛汁燒帆立貝汁燒鮑魚壽司拼盤汁燒魚鮫魚湯烏冬&咖哩飯