影片
更多
2019-03-06
39 瀏覽
入面環境雖然唔大，但好似有日式居酒屋feel，而且雖然佢係燒烤店，但都唔會成陣油煙，抽氣系統幾好，同埋有冷氣，就算夏天食都唔怕！先嗌幾款冷盤小食鹽味枝豆 $28味道屬於正常水準，但枝豆略嫌有啲瘦削，唔夠飽滿。胡麻豆腐 $32雖然只係百福豆腐，但嫩滑口感配芝麻醬真係無得輸！燒夜芝士沙律 $68沙律上面多咗塊燒芝士，沙律菜好新鮮！但塊芝士係凍嘅有啲失望><!!串燒當然唔少得川燒韭菜$22、原條茄子$28次次食串燒都鍾意食佢哋，茄子好惹味juicy，無燒到竉晒，韭菜口感鮮香爽口。跟住仲帶咗蒜味牛油雜菇包$48，大大份好多蘑菇！牛油味香濃而且又有啲蒜香，好食！最驚喜係汁燒帆立貝串$32一串，估唔到咁大粒帆立貝，燒得啱啱好！入面仲keep到嫩滑口感！鯖魚$38又係非常嫩口多汁，唔會燒到乾爭爭！川燒秋葵蝦$38原來係秋葵入面包住蝦滑嘅物體，味道唔差，感覺特別！椒鹽燒阿根廷紅蝦$18呢個真係好吸引，勁大隻，剝開蝦殼好多蝦膏，而且肉質爽彈！仲有$70半打串燒系列！雞腿肉、冬菇、金菇各兩串冬菇唔會燒到好乾，咬落依然好juicy！金菇其實我第一次食串燒，原來都好正！又係keep住好多汁，口
先嗌幾款冷盤小食
鹽味枝豆 $28味道屬於正常水準，但枝豆略嫌有啲瘦削，唔夠飽滿。
胡麻豆腐 $32雖然只係百福豆腐，但嫩滑口感配芝麻醬真係無得輸！
燒夜芝士沙律 $68沙律上面多咗塊燒芝士，沙律菜好新鮮！但塊芝士係凍嘅有啲失望><!!
串燒當然唔少得川燒韭菜$22、原條茄子$28
次次食串燒都鍾意食佢哋，茄子好惹味juicy，無燒到竉晒，韭菜口感鮮香爽口。跟住仲帶咗蒜味牛油雜菇包$48，大大份好多蘑菇！
牛油味香濃而且又有啲蒜香，好食！
最驚喜係汁燒帆立貝串$32一串，估唔到咁大粒帆立貝，燒得啱啱好！入面仲keep到嫩滑口感！鯖魚$38又係非常嫩口多汁，唔會燒到乾爭爭！
川燒秋葵蝦$38原來係秋葵入面包住蝦滑嘅物體，味道唔差，感覺特別！
椒鹽燒阿根廷紅蝦$18呢個真係好吸引，勁大隻，剝開蝦殼好多蝦膏，而且肉質爽彈！
仲有$70半打串燒系列！
雞腿肉、冬菇、金菇各兩串
冬菇唔會燒到好乾，咬落依然好juicy！金菇其實我第一次食串燒，原來都好正！又係keep住好多汁，口感爽脆，值得encore！
雞腿肉質嫩滑，大大串幾抵食！串燒上面雖然灑左好多孜然粉，但入口又唔會好鹹！
除咗串燒之外，仲有自選麵食，選擇好多
麵條可以揀稻庭烏冬、讚岐烏冬或者拉麵
我就揀咗鮮魚濃湯稻庭烏冬 $52
入面本身已經有竹筍、木耳絲、粟米、日本魚蛋、糖心蛋同紫菜，可以再自己加配料。加咗$28豬軟骨，有成兩大舊，肉質煮得入味又唔韌，夠淋甜，軟骨位就脆脆地，明顯係自家煮，唔係罐頭貨！
烏冬煮得軟硬適中，煙韌彈牙！
魚湯夠味又唔會過濃，飲得出唔係味精湯，感覺唔錯👍🏻最後買單發現唔洗加一，咁計落價錢唔貴，因為食物都幾高質素！
成間鋪頭得店主一個人care全部客人，但依然好注重水準，每一串都燒得唔錯，感覺好有心機！
店主要繼續努力❤️
張貼
