Amici (已結業)

今日要同客食飯，佢介紹呢度食西餐唔錯，咁就嚟食啦青瓜牛油果沙律青瓜絲、牛油果粒及沙律菜，食落非常清新，入面仲有黑白芝麻，好有口感而且芝麻味道好香！醋嘅份量啱啱好，唔會過酸，連我唔鍾意食沙律嘅都非常非常滿意南瓜忌廉湯飲落好滑但唔稀，南瓜味道清甜，上面仲放咗啲南瓜籽增加口感麵包香草味重，但可惜硬咗啲，如果可以烘熱一吓先上菜會更好香煎盲鰽配咸檸檬牛油 ($198)色彩繽紛，盲鰽肉厚，層魚皮煎得超級靚，切嗰陣係脆到不得了，食落仲好香口又有淡淡檸檬味，但魚肉非常柔嫩，魚油充足，皮脆肉嫩真係好好味！激讚！慢煮西班牙黑毛豬鞍 ($198)好大塊，放喺盲鰽隔離顯得仲厚身！食落黑椒味香但唔搶，有豬肉香，一啲都唔韌，好有咬口感，尤其是咁大塊所以食得好開心，完全唔會有唔夠飽嘅感覺！旁邊嘅係炸玉米，食落好酥脆又軟，愛不釋手！個客又真係冇介紹錯喎，食得出大廚係用心煮，兩碟主菜嘅味道都非常出色！而且店員服務態度超好，另外冷氣夠晒勁，夏天嚟食都唔洗怕！