茶語

營業中

休息中

玩完ring fit，見有d肚餓就落街買少少輕食返屋企醫下肚仔。肉鬆台式蛋餅蛋餅都好豐富㗎,入邊裹住滿滿嘅肉鬆食落啖啖肉，佢啲醬汁呢係甜甜嘅豉油味。蛋餅入邊都有加蔥食落都好Fresh㗎。香香鹽酥雞& 炸豆腐雖然食炸嘢罪惡咁好大但係我都係忍受唔住呢啲咁香口嘅食品呀。香香鹽酥雞即叫即炸，食落好脆口，雞肉外面炸粉唔會果得太厚。太好食囉，入邊仲鎖住啲肉汁，咬落熱辣辣啲雞油爆曬出嚟真係抵擋唔住呀！炸豆腐雖然睇落平平無奇但係佢配左一個豉油汁，食落甜甜地。如果唔鍾意食甜嘅，我建議可以加少少五香淮鹽，會更惹味。乳酸綠茶見次次食台式舖頭都點珍珠奶茶，有少少厭倦，所以今次就叫咗個乳酸綠茶。益力多味同綠茶味配合得啱啱好，唔會太甜飲落有淡淡的茶香，感覺好似冇珍珠奶茶咁heavy。