巨一麵堂 (已結業)

是日想食拉麵，於是由女友帶路黎到佐敦既巨一拉麵！我入到去，我地揀左吧台位坐，貪佢同侍應哥哥(下稱哥哥)溝通方便啲。哥哥介紹我地試下特製醬油拉麵同埋鹽燒牛舌，於是就點左呢2樣。先上既係牛舌！超厚切，而且做得好稔，有別於其他的爽薄做法，而且每片牛中間的檸片同上面既乾蒜配合得好好，幾特別！哥哥話師傅係先醃再炆然最後再拎去燒先有呢個效果，好花工夫...跟住係醬油拉麵。好大一碗！！(哥哥話係最多材料既)雲呑超大個，而且係餡多叉燒超厚，厚到似豬扒咁，睇到啲肥肉一層層間住，咬落去好有質感而蛋則係用日本正宗既溏心蛋個拉麵湯底好鮮甜，而哥哥解釋話師傅每日7點親自去街市買材料，由於日日清，所以係賣完就無，真用心！吧台上面既牌仔掛住好多明星賀開張既簽名，等麵既時候可以留意下！