藤津日本料理

營業中

休息中

用心煮唔一定好，不過唔比心機煮就一定唔好。呢間龍津日本料理其實新開咗都好一段時間，但係每一次經過門口都係人頭湧湧好多人排隊。 終於等到今日見到入面只係得兩個人，「機會嚟喇飛雲！」食日本嘢梗係食壽司刺身魚生飯，唔通食炒雞蛋飯咩？坐得耐就即刻9秒9叫咗個~京蔥拖羅 三文魚生飯。舖頭細細 只係得十張八張櫈，廚房就有三個人加一個收銀樓面。喺收銀機隔離見到佢貼住叫大家耐心等候。我都預咗佢會等一段時間㗎啦。點知我個魚生飯就足足等咗我48分鐘。仲要其貌不揚睇落好似一pat免治牛肉咁。同我嘅期望有啲距離，唔該下次喺個menu上面加多個「免治」魚生飯，或者menu上面加張相。其實都唔係好難嘅啫？喺等我個魚生飯嘅期間，我睇到老闆其實都好亂。嚟食飯的人不多，但都有漏單的情況出現。大概係一個鐘頭入面等咗48分鐘在家我食咗五分鐘，老闆大概只係出得 13個餐。仲要係晚飯時間，出面有唔少人排隊等位，等外賣。原來人多排隊不是因為好味多人食，而真係好慢。