王子廚房 (已搬遷) 新店位置

本身一早bookmark左呢間，但因為人多等得耐+早排裝修，就冇去，今日醒起應該裝修完，就去左啦。應該唔太多人知佢重開返，所以得一半枱有人，唔洗排隊真好D午餐定價都好平，款式都比較特別。我就點左個D餐（因為雞好似冇咁肥）跟餐會有湯送，可以揀忌廉or羅宋湯，羅宋湯都多菜+紅蘿蔔，酸酸甜甜幾開胃。個雞塊有我隻手掌咁大塊，新鮮即煎起既，個外皮好脆，食落有油脂香，好juicy。個黃咖哩真材實料，好多雜菜粒、又有好大舊既薯仔，少少辣（但我食得辣），味道唔算太濃郁。而個飯都整得好用心，舖左娃娃菜+木耳做裝飾，又可以增加口感值得一讚既係成間店得一人主理，但都好有效率