影片
更多
2019-05-23
3262 瀏覽
今日第一次上去兔子cafe.屋企人一直唔比養，但兔仔好可愛，都好想上去睇下。去之前亦睇過關於cafe一些評論，自己亦有關注到動物權益的問題，但畢竟自己無親身去過，若只憑網上評論而判斷，似乎唔係咁公平。於是今日就想去睇下！首先，我本人同意環境的確比想像中細。可以想像如果滿座，的確會令兔仔同客人覺得逼。於是去之前都有特登問店主咩時段會最少人，店主就話5-6點。我自己去嘅時候係兩點半，一去嘅時候計埋我都有10個人。留到五點半，五點開始的確少人，計埋我在內得三個。所以都建議大家可以選擇呢個時間去，或者去前wts店主問最佳時間，相信會令大家更加舒服！其實對於動物cafe黎講，對食物並無太高期望，旨在睇動物。而我點左雞排珍珠飯（唔好意思，原本無打算打食評所以無咩影相。）味道上其實都不過不失，但我能夠理解點解話貴，但套餐黎計系可以任坐而我坐左三個鐘，有食物有嘢飲有兔仔草$138，我覺得好可以接受.對養兔仔好感興趣嘅我問左店主好多問題，原來兔仔放係籠嘅配對，係佢地經過觀察先放埋一齊，預防佢地打架。而咁多兔仔(8隻，如果無記錯）一d臭味都無，原來係因為店主日日放工之後都會拖地，掃乾淨。而確保佢地安全，店
屋企人一直唔比養，但兔仔好可愛，
都好想上去睇下。
去之前亦睇過關於cafe一些評論，
自己亦有關注到動物權益的問題，
但畢竟自己無親身去過，
若只憑網上評論而判斷，
似乎唔係咁公平。
於是今日就想去睇下！
首先，我本人同意環境
的確比想像中細。
可以想像如果滿座，
的確會令兔仔同客人覺得逼。
於是去之前都有特登問店主
咩時段會最少人，
店主就話5-6點。
我自己去嘅時候係兩點半，
一去嘅時候計埋我都有10個人。
留到五點半，
五點開始的確少人，
計埋我在內得三個。
所以都建議大家可以選擇呢個時間去，
或者去前wts店主問最佳時間，
相信會令大家更加舒服！
其實對於動物cafe黎講，
對食物並無太高期望，
旨在睇動物。
而我點左雞排珍珠飯
（唔好意思，原本無打算打
食評所以無咩影相。）
味道上其實都不過不失，
但我能夠理解點解話貴，
但套餐黎計系可以任坐
而我坐左三個鐘，
有食物有嘢飲有兔仔草
$138，我覺得好可以接受.
對養兔仔好感興趣嘅我
問左店主好多問題，
原來兔仔放係籠嘅配對，
係佢地經過觀察先放埋一齊，
預防佢地打架。
而咁多兔仔(8隻，如果無記錯）
一d臭味都無，原來係因為
店主日日放工之後都會拖地，
掃乾淨。而確保佢地
安全，店主就算八號風球都會
返去睇兔仔。突然覺得兔仔好幸福❤️！
今日去嘅時候，著左件黑色衫，
走嘅時候都痴左唔少毛毛，
原來兔子都會甩毛，
例如我見到佢地舔自己嘅時候，
都會有小小毛甩，
所以都可以理解點解地下會有毛。
雖然坐唔係太舒服，
因為我係坐地下，
但都可以選擇坐凳，
腳仔會舒服d!
但我全程都行行企企
問題不大。
見到同場嘅客人都
好愛護兔仔，
好安靜之餘，
我自己一個人去
仲同幾個客人傾計，
有d客人都係自己去，
大家都好愛護兔仔，遵守規則，
好慶幸今日上去見到嘅
客人都係友善，
其實只要大家友善同溫柔d，
相信兔仔都好樂意同大家玩，
因為佢地今日好活躍
不停係客人的臺下捐黎捐去。
又會乖乖跑去客人度食草，
雖然有d兔仔一摸就會跑，
但了解後先明白原來每隻兔仔
都有唔同脾性，
例如有膽小的，亦有活躍的，
例如麵包（我的最愛！）
仲會因為開心而奔跑，
亦會因為嬲就dum腳嘅兔仔。
實在太可愛！
店主亦好樂意解答問題同幫手。
另外，經過今日終於
明白點解兔仔可以係咁食
係咁俾人餵都完全無問題😂
因為佢地同其他動物太唔一樣，
係度唔詳講，
不過都令我更放心餵佢地❤️。
所以overall,
其實都好滿意今日
同兔仔相處的三小時，
亦有令到我認識兔仔更多！
同時，大家都不防問店主
多d問題，令自己可以更加了解兔仔
同埋整個環境，相信會令大家玩得更放心，
但同時，動物都需要我地嘅尊重，
當大家溫柔友善，相信兔仔都會感受到：）
去完仍然想不斷去呀！！
🐰🐰真心希望有熟客優惠，
或者會員制。
張貼
