HANDS - Craft Beer & Magic

營業中

休息中

概覽：非常近太子港鐵站 C2 出口嘅地鋪 restaurant and bar，喺旺角行過嚟都唔太遠。價錢唔貴，出品用心。Craft beer 係賣點，選擇好多。魔術亦係餐廳主題，但用餐時冇店員表演魔術。座位算舒服，係方便座耐啲傾計嘅。店員口頭講冇限用餐時間，但不知遇上多客會唔會另作別話。Sparkling Rose Butterfly Pea Flower Tea ($68，6:30pm 前 happy hour -20%)：因身體理由無緣試 craft beer 先 order 咗呢個 drink。店員拎住原枝飲品嚟即場開樽，倒入有冰嘅 drinking glass，並教客人擠新鮮檸檬汁落去飲。未加檸檬汁版本甜蜜味道突出，聞落有花香。加咗檸檬汁後，飲落更爽喉，好似多咗氣泡嘅感覺。個人鍾意未加檸檬汁甜蜜版本多啲。杯上有未明圖案。啤酒慢烤香麻手撕豬肉漢堡 ($128)：豬肉調味甜，易入口，且唔乾。麵包中醬汁美味。份量足，材料夾夾埋埋係 a good combination。麻婆 Mac & Cheese  ($128)：麻辣（好輕手，但怕辣嘅朋友唔一定接受到）為菜式添新意。上枱熱辣辣。