飯先生

營業中

休息中

大角咀又有新店啦！呢間主要做外賣，主打多款特色系列，包括蘭王醬油漬、外賣便當、和風滑蛋丼飯、日式咖喱丼飯、鰹魚湯烏冬、關東煮同小食，價錢親民，值得一試。老細推介蘭王醬油漬牛肉飯，120G嘅牛腹肉配上珍珠米，牛肉嫩滑多汁，飯軟糯可口，醬汁甜甜哋，另外附上蘭王醬油漬蛋黃同紫菜，撈埋一齊啱啱好，性價比高。關東煮亦係另一大招牌菜式，八貫包含大根、油揚、魔芋、黑蒟蒻、蔬菜魚餅、豆乳魚蛋、竹輪同溫泉蛋。湯底清甜可口，配料煮至入味，如果加埋烏冬應該會幾match。小食方面要咗個蝦多士，六小塊一口一粒，炸至金黃酥脆，唔錯。