味 日本料理 (已結業)

海防道街市終於唔淨係得茶餐廳，最近新開左間性價比極高既日式外賣店，對於我地呢啲附近返工既朋友仔簡直係興奮呀！🤩🤩老闆大推自選海鮮卷物，我地揀左黑白芝麻吉列海蝦卷，黑白芝麻十分出色，40幾年既經驗果然厲害，芝麻炒到極到香脆做卷面口感好似紫菜咁，一上枱已經聞到芝麻香，炸蝦即叫即炸，唔洗驚放到稔曬，明顯食到蝦肉甜味👍👍鹽燒左口魚壽司入口即溶，個種油膩感完全令我幸福感爆燈，鹹度啱啱好，加啲日本香葱調味，配上壽司飯既珍珠米無得彈👍👍主菜我地叫左沖繩島豚軟骨烏冬，用黑豚骨精心淆製而成，真材實料，所以飲曬啲湯都唔覺得口渴，豬軟骨十分之稔，由軟筋包住軟骨，同事仲有叫左黯然燒魂燒叉燒飯，老闆話每日新鮮由灣仔好出名既叉燒檔送黎，食落真係幾juicy，蜜汁叉燒配咖哩飯，真係好惹味，平時日本餐廳食豬頸肉或者普通豬肉多，食叉燒真係第一次，加埋個鹽燒鯖魚都好好味👍👍餐廳老闆同職員都好nice，十分主動派傳單同介紹餐廳，尖沙咀打工仔必食，終於唔洗捱貴日本lunch啦！🤣