影片
更多
2015-11-03
1241 瀏覽
新蒲崗自從有咗mikki 商場後,周邊都多咗好多特色小店.是夜同好姊妹E小姐係新蒲崗完成工作已經係8:00,E小姐想食越南湯河,就去咗呢間試下.點完菜店員就送上金不換香葉,辣椒青檸,同油炸鬼各一兜,佢表示油炸鬼係用黎沾湯食的,很有心思!脆炸蟹肉香葉肉碎米紙球,很大個,已剪開一半,仲付上剪刀比我地可以再剪開,米紙球非常新鮮,熱呼呼的,入面有粉絲,有勁多蟹肉,同埋肉碎,點酸汁食,勁好味真係可以食唔停口!海防刁草龍躉魚塊金邊粉,初時見到刁草配湯粉係有d驚,但我又好想食魚喎,咁就試下佢!原來係蕃茄湯底,加兩棵鮮刁草係上面,店員表示將刁草浸落湯就會出味!龍躉有兩大件,係煎香咗既,最奇怪就係但金邊粉!點解唔係勁幼果d金邊粉？佢係有少少似木薯粉果d,我見味道都ok所以我都無專登再問佢了.整體黎講成個配搭好新穎,我成碗清晒!用油炸鬼點湯食又真係幾好味,唔知呢個係咪正宗食法呢？E小姐要咗個走地鴨湯粉絲,試咗啖個湯底,勁濃郁既鴨味!呢類用心經營既小店真係要支持下!
是夜同好姊妹E小姐係新蒲崗完成工作已經係8:00,E小姐想食越南湯河,就去咗呢間試下.
點完菜店員就送上金不換香葉,辣椒青檸,同油炸鬼各一兜,佢表示油炸鬼係用黎沾湯食的,很有心思!
脆炸蟹肉香葉肉碎米紙球,很大個,已剪開一半,仲付上剪刀比我地可以再剪開,米紙球非常新鮮,熱呼呼的,入面有粉絲,有勁多蟹肉,同埋肉碎,點酸汁食,勁好味真係可以食唔停口!
海防刁草龍躉魚塊金邊粉,初時見到刁草配湯粉係有d驚,但我又好想食魚喎,咁就試下佢!原來係蕃茄湯底,加兩棵鮮刁草係上面,店員表示將刁草浸落湯就會出味!龍躉有兩大件,係煎香咗既,最奇怪就係但金邊粉!點解唔係勁幼果d金邊粉？佢係有少少似木薯粉果d,我見味道都ok所以我都無專登再問佢了.整體黎講成個配搭好新穎,我成碗清晒!
用油炸鬼點湯食又真係幾好味,唔知呢個係咪正宗食法呢？
E小姐要咗個走地鴨湯粉絲,試咗啖個湯底,勁濃郁既鴨味!
呢類用心經營既小店真係要支持下!
張貼
