馬拉Go

營業中

休息中

位於啟岸商場的馬拉菜小店。店面好細，座位只有十數個，而且有點迫。小店由兩人打理，一個煮嘢，一個侍客，客人多時反應會慢啲，但服務態度很好，有人情味。招牌檳城蝦麵 - 個湯底蝦味好濃，足料製作，入口似飲緊龍蝦湯，飲完都唔口渴。麵底係油麵米粉摻摻，配料豐富，有燒蝦、大蜆、豬頸肉、魚蛋、蛋、豆卜等。滋補肉骨茶 - 湯底濃，藥材味較重，食到底有點苦。豬肉唔嚡口但冇乜肉味。其他配料有冬菇和豆卜。脆炸南乳雞翼 - 跟餐小食，即炸起皮脆肉香冇得輸。麥脆咖央多士 - 多士烘得香脆，配上極邪惡的厚切牛油和椰香味濃的咖央，好好食。椰絲斑蘭卷 - 額外送嘅甜點，斑蘭味被椰絲蓋過，不過不失。