優閑法式班戟甜品專門店 (已結業)

年頭食過依間小店嘅 Crepe 之後，真喺終身難忘！可能食甜品喺女生嘅專利，麻甩佬嘅我真喺少食！今次重遊故地第一個驚喜喺 “乜你肥咗咁多？” “乜你認得我咩？” “點會唔認得呀！” 可能上次佢啱啱開舖無耐，又傾咗咁耐計，所以阿玲會記得我啦！不過可睇得出，佢對顧客非常用心！大半年冇嚟，真係改變咗好多，除咗 crepe 後，仲有咸點，特飲同訂做蛋糕！阿玲真喺女強人，不得了近期佢有個新主打，話賣斷市，叫我試吓，就喺《綠茶心太軟》！擺設同心思已經喺一流啦！阿玲仲話用木製嘅羹食落有第二感覺！超有心思！嘩！嘩！唔好見佢心太軟細細舊，一篤穿咗，真喺嚇到叫咗出嚟！我真喺未見過心太軟會有咁多饀流出嚟！今次真喺有圖有真相！依舊心太軟綠茶味非常濃郁，用料十足唔馬虎！啱哂鐘意飲綠茶嘅我！而且味道唔會太甜，健康又好味！可見阿玲嘅功力又升呢！主打真喺主打，真喺超好食！