影片
更多
2020-03-15
88 瀏覽
男朋友尋日打完疫苗，今日有啲唔舒服😷，無乜胃口，想食粥。放工經過旺角，網上搵到附近有間粥舖叫新記雞粥，應該幾啱佢食，重點係佢唔係簡單嘅粥品鋪😋佢係粥品結合茶記。✨有樣嘢好就係我可以唔洗齋陪佢食啲清清地嘅嘢，可以自己自私叫小菜食😜依間鋪係元朗雞粥的分店，睇裝修真係唔似老牌粥品店。入去坐低，發覺座位幾闊。一睇餐牌，有啲驚喜，本身都知佢有小菜但我冇諗過選擇都幾多。👍🏻首先嚟嘅係貴妃雞粥🐔雞粥個粥底好綿，加上雞肉帶少少咸味，肉質唔鞋，重保持到少少嫩滑，連我都同男朋友爭食添🙈🙈。好彩個雞粥份量都算大，而且雞件有七、八舊，夠晒我地兩個人食。食雞粥又點可以少得油炸鬼。🥳炸兩上枱食落脆卟卟👍🏻冇油益味，而且腸粉皮滑又唔厚身。好味～～～再嚟嘅係蝦醬通菜🥬未食落肚果陣蝦醬味已經搞到我流晒口水🤩通菜個份量都幾大，夠兩個人食有餘，鑊氣比得上大牌檔的質數。之後上嘅係海蜇手撕雞✨食落感覺好似加左少少千島醬咁，個秘制醬汁有種酸酸甜甜嘅味道，唔似平時茶樓食開果種油淋淋嘅感覺，食完都覺得開胃咗。最後嚟嘅係豉椒炒黃鱔🐟我都係第一次食呢隻煮法，食落有啲似鱔糊，但又唔似上海菜咁同韭黃一起炒。黄鱔爽口彈牙，入口啖啖肉，加埋豉椒
放工經過旺角，網上搵到附近有間粥舖叫新記雞粥，應該幾啱佢食，重點係佢唔係簡單嘅粥品鋪😋佢係粥品結合茶記。
✨有樣嘢好就係我可以唔洗齋陪佢食啲清清地嘅嘢，可以自己自私叫小菜食😜
依間鋪係元朗雞粥的分店，睇裝修真係唔似老牌粥品店。入去坐低，發覺座位幾闊。
一睇餐牌，有啲驚喜，本身都知佢有小菜但我冇諗過選擇都幾多。👍🏻
首先嚟嘅係貴妃雞粥🐔
雞粥個粥底好綿，加上雞肉帶少少咸味，肉質唔鞋，重保持到少少嫩滑，連我都同男朋友爭食添🙈🙈。好彩個雞粥份量都算大，而且雞件有七、八舊，夠晒我地兩個人食。
食雞粥又點可以少得油炸鬼。🥳
炸兩上枱食落脆卟卟👍🏻冇油益味，而且腸粉皮滑又唔厚身。好味～～～
再嚟嘅係蝦醬通菜🥬
未食落肚果陣蝦醬味已經搞到我流晒口水🤩通菜個份量都幾大，夠兩個人食有餘，鑊氣比得上大牌檔的質數。
之後上嘅係海蜇手撕雞✨
食落感覺好似加左少少千島醬咁，個秘制醬汁有種酸酸甜甜嘅味道，唔似平時茶樓食開果種油淋淋嘅感覺，食完都覺得開胃咗。
最後嚟嘅係豉椒炒黃鱔🐟
我都係第一次食呢隻煮法，食落有啲似鱔糊，但又唔似上海菜咁同韭黃一起炒。黄鱔爽口彈牙，入口啖啖肉，加埋豉椒味，非常惹味🤓
食緊嘅時候發覺好多枱都叫蜆介鯪魚球，好吸引，下次黎食我一定要試下。😝
張貼
