甜蜜蜜甜品專門店 (已結業)

係厚福街食完飯食番個甜品。行行下見到呢間傳統既港式甜品舖，一入黎就有伙記熱情招待。餐牌幾多選擇架，最尾揀左呢個新鮮水果涼粉。用新鮮水果健康啲，又唔會淨係係度食糖漿，營養豐富。有超多款水果，分別有士多啤梨、提子、奇異果、橙、芒果、哈密瓜、木瓜、西瓜、龍眼，加加埋埋講緊係九種生果咁多！營養豐富，食完又夠甜，個人又健康左，一舉兩得。加埋涼粉大大粒，口感同味覺都幾滿足。飯後時間好多人架，同埋注意呢度只收現金。