The Grill Room (銅鑼灣廣場二期)

銅鑼灣依間「The Grill Room」環境格調高貴，菜式出品亦幾高質，仲要有Live Brand聽，客人可以同佢哋Order點歌，不過略嫌菜式定價較高，另外，餐廳有無限量提供瑞典過濾水。*此餐廳收取加一服務費。炭燒美國16安士USDA安格斯肉眼牛扒（單點$578），五成熟，經過炭燒之後，牛扒表面帶有網紋，食落帶點焦香味道，牛扒肉質半肥瘦，口感厚嫩，牛味濃郁，配以牛肝菌牛肉原汁食用，食落帶有菌香味道；烤西蘭花苗配烏魚籽碎，西蘭花苗口感爽嫩，味道清甜，配以烏魚籽碎食用，味道鹹香。凱撒羅文生菜苗沙律（單點$98），表面鋪有凱薩拉律醬，包括有4瓣原片羅馬生菜、櫻桃蘿蔔、紅甜菜、即刨巴馬臣芝士絲、煙肉粒、麵包粒，味道清爽，略嫌份量少。餐包（跟餐$0），酸種麵包，食落帶點微溫，口感外香脆內鬆軟，配以有鹽牛油食用，味道更佳。