戶井北海道米比薩 (已結業)

琴日同ka ho去沙田行街街，dinner諗著去新城市廣場7樓嗰間 Fish & Co，点知執咗lu......見到喱間北海道米比薩好多人，又未食過，仲好似新開張，所以試吓la。好彩等咗約20 mins就有位。舖名北海道米比薩，當然要試米比薩喇！喱度除咗米比薩，仲有沙律、意粉、天婦羅 & 甜品。 1) 和風粟米薯餅 ($28.8)我平時好鍾意食薯餅，見到有得食，即叫。都o.k.嘅，但略微多油咗啲 & 粟米唔夠多。2) 和風蟹條帶子意大利粉 ($75.8) 都幾好味，我好鍾意食蕃茄汁意粉！份量一般大，意粉爽口，啲餸都夠多，唔錯！3) 鰻魚米比薩 ($85.8) 餅底由飯製成，夠香脆，唔會太多油，餡料好足。由於用飯製成餅底，會好飽肚。都幾特別，要試吓！ 由於已經好飽，所以試唔到甜品，佢有好多甜品揀，如巧克力聖代 、宇治金時刨冰、巨峰提子冰管等等。喱啲都係麻布茶房食過，唔知喱間好唔好味呢？下次試吓先......不過，喱間舖實在太細，座位唔多，唔係太適合大班人坐低傾偈。