影片
更多
2022-11-14
564 瀏覽
話說上星期六，放假! 我同女友小熊都懶! 懶得郁! 懶得煮飯! 結果最後都係我輸咗! 俾小熊指咗去買外賣返嚟! 激鬼氣!今個星期我點都唔出去買外賣㗎喇!指呀小熊去買外賣! 女友小熊當然心有不甘啦!嘻嘻.....正當我沾沾自喜之際，突然收到友人來電，想我幫佢占卜開盤問前景，約我係朗豪坊見面....果隻咁嘅小熊一聽到我要出門，豈有此理腳都拍埋手掌叫好! 仲即係上網睇吓有咩外賣啱食!"食咩好呢! 唔..... 食 pizza 啦! 你去 euro go go 買外賣啦！我要食百寶 pizza 啦! 我要食白汁香腸火腿蘑菇意粉啦! 我要食蜜糖雞翼啦! 我要食煙肉芝士焗薯皮啦! 你快D去快D返啦!""錢呢?!""你出住先啦!""妖!"出到朗豪坊，首先同友人開盤睇前景，之後先買外賣，由於唔知講幾耐，唔敢打電話落定柯打.，免得個 pizza 放涼.去到 euro gogo，店舖回覆外賣需時20分鐘，20分鐘感覺頗費時，好彩等外賣其間又有另一位朋友來電要求占卜問事，所以邊等邊占卜，感覺等哩20分鐘好快就過咗.外賣到手雖然已經即刻飛返屋企，但 pizza 批底仍然感覺頗濕，唔夠乾身唔夠脆，要放上平底鑊煎
我同女友小熊都懶! 懶得郁! 懶得煮飯! 結果最後都係我輸咗! 俾小熊指咗去買外賣返嚟! 激鬼氣!
今個星期我點都唔出去買外賣㗎喇!指呀小熊去買外賣! 女友小熊當然心有不甘啦!
嘻嘻.....
正當我沾沾自喜之際，突然收到友人來電，想我幫佢占卜開盤問前景，約我係朗豪坊見面....
果隻咁嘅小熊一聽到我要出門，豈有此理腳都拍埋手掌叫好! 仲即係上網睇吓有咩外賣啱食!
"食咩好呢! 唔..... 食 pizza 啦! 你去 euro go go 買外賣啦！我要食百寶 pizza 啦! 我要食白汁香腸火腿蘑菇意粉啦! 我要食蜜糖雞翼啦! 我要食煙肉芝士焗薯皮啦! 你快D去快D返啦!"
"錢呢?!"
"你出住先啦!"
"妖!"
出到朗豪坊，首先同友人開盤睇前景，之後先買外賣，由於唔知講幾耐，唔敢打電話落定柯打.，免得個 pizza 放涼.
去到 euro gogo，店舖回覆外賣需時20分鐘，20分鐘感覺頗費時，好彩等外賣其間又有另一位朋友來電要求占卜問事，所以邊等邊占卜，感覺等哩20分鐘好快就過咗.
外賣到手雖然已經即刻飛返屋企，但 pizza 批底仍然感覺頗濕，唔夠乾身唔夠脆，要放上平底鑊煎一煎先夠脆，非戰之罪.
另外芝士味唔夠濃，而蕃茄味比較重，早知如此我會選擇走蕃茄.
白汁香腸火腿蘑菇意粉唯一問題係白汁味道咸咗少少.
煙肉芝士焗薯皮係水準之作，無咩大問題，而蜜糖雞翼肉嫩 juicy，蜜糖汁足夠令到雞翼更惹味，好味到小熊又食到褶褶聲!
"喂!外賣錢點計?"
"噢.... 食完訓覺....."
"喂喂喂.... 你未俾錢呀!"
"zzzzzz……"
豈有此理! 又玩我!
PS:致友人
我知道你會睇我食評，都係果句，其實你依家情況絕對唔係差，放心，俾信心自己，你將來嘅工作必定承擔綽綽有餘，係時候發揮你小宇宙吧!
煙肉芝士焗薯皮
26 瀏覽
0 讚好
0 留言
上：白汁香腸火腿磨菇意粉 下：蜜糖雞翼
27 瀏覽
0 讚好
0 留言
百寶pizza
23 瀏覽
0 讚好
0 留言
張貼
