小洋蔥 (已結業)

小洋蔥屋村商場的平價西餐廳。佢鍾意呢一度嘅裝修，再用木枱木凳，十分之田園風。光線充足，唯一嘅不足去私隱度不夠。在普通屋村都可以有這種裝修嘅餐廳，讓居民多了一個選擇。講返個意大利扁意粉，佢全名係鮮茄炸魚柳扁意粉。炸魚火喉剛好，內軟外脆。睇落個賣相係非常不錯，見到有幾隻又有蜆，有墨魚圈，有幾隻蝦。食落口覺得佢應該係雪藏嘅，但味道同口感都唔算太差。唯一係嗰隻蝦差少少之外，比較腍同唔夠入味，其他都正正常常。扁意粉食落口好彈牙，汁既調味都好香口蒜蓉香味好濃郁。未食落口已經聞到好香嘅蒜蓉味。我覺得佢個汁太多，稍為調整下汁嘅份量嘅會比較好。洋蔥湯是另外加的，算不過不失，不過佢跟湯個兩個餐包比較硬，一定要浸湯食。