喜茶 (已結業)

聽聞沙田間喜茶要排2個鐘先買到～嘩～要排兩個鐘，唔係下化～因為咁樣，一直對佢無乜好感～就算銅鑼灣，尖沙咀開咗都唔會去～直到前排同朋友喺尖咀食完嘢～跟住朋友激讚喜茶超好飲，係咁叫我飲～原來仲可以上網買定先之後就可以去拎，完全唔洗排隊～好啦，我就試吓佢啦～我揀咗佢熱門嘅 芝芝芒芒面層有層芝士奶蓋，朋友教我先唔好用飲管飲～直接用口飲咗芝士奶蓋先，之後再同啲芒果汁一齊飲個芝士奶蓋咸咸哋，充滿芝士味，好滑好好味喎～芒果汁帶有清清茶味，好多果肉，甜甜的～兩者一齊飲更加好味，由呢一刻....我愛上喜茶...唔怪得咁多人排隊啦，原來真係咁好飲～