影片
更多
2016-12-28
4582 瀏覽
好值得一讚0既親子餐廳! 我唔係第一次去親子餐廳, 但呢間係最impressed! 感覺真係由家長出發! 地方唔算大, 但遊戲室足夠比店內小朋友玩，設施安全之餘, 喺食嘢0既地方有閉路電視可以一邊食一邊睇下遊戲室裡面情況, 再加上餐廳員工亦會睇下啲小朋友, 如有小朋友打交, 或做危險嘢, 會出聲阻止, 令家長可以好安落咁食嘢! 實在有小朋友後, 都無乜安落茶飯食, 佢地亦無乜耐性坐咁耐, 自己經常都要好急咁食, 有時都唔知自己食左啲乜.... 餐廳內算係自助式, 要小朋友餐具, 自己去攞就得(你知啦, 唔明啲小朋友成日都跌餐具, 下下要問先有真係啲人都唔得閒啋你架嘛); 要暖水, 自己斟就得; 坐位上亦有大量乾紙巾, 濕紙巾, 唔駛下下要問, 要等, 要喺袋度揾, 好方便! 仲有個大碗仔比你放垃圾, 久唔久有人幫手清, 唔駛整到成枱都係紙巾垃圾! 廁所有小朋友廁板, 都乾淨. 另外要讚0既就係食物! 佢啲食物係無醃過! 可比我未夠兩歲0既bb 食都得! 好健康! 雖然無醃過, 但都好味, 相信係因為食材新鮮! 若覺唔夠味, 其實佢都有啲調味料比你自己加, 但我就覺得已經好味, 無
餐廳內算係自助式, 要小朋友餐具, 自己去攞就得(你知啦, 唔明啲小朋友成日都跌餐具, 下下要問先有真係啲人都唔得閒啋你架嘛); 要暖水, 自己斟就得; 坐位上亦有大量乾紙巾, 濕紙巾, 唔駛下下要問, 要等, 要喺袋度揾, 好方便! 仲有個大碗仔比你放垃圾, 久唔久有人幫手清, 唔駛整到成枱都係紙巾垃圾! 廁所有小朋友廁板, 都乾淨. 另外要讚0既就係食物! 佢啲食物係無醃過! 可比我未夠兩歲0既bb 食都得! 好健康! 雖然無醃過, 但都好味, 相信係因為食材新鮮! 若覺唔夠味, 其實佢都有啲調味料比你自己加, 但我就覺得已經好味, 無加過.
因為有得玩, 小朋友成日都想快啲去玩, 所以食得比平時快, 唔駛成日催得嚟, 佢地食得開心, 呢樣係每個父母都想見到! 佢地食完, 就自己跑去遊戲室玩, 又有安落茶飯食啦!
另外有啲貼紙仔供應, 可以奬勵下啲小朋友! 我諗下次去唔駛帶玩具都得! 個袋可輕啲!
題外話/補充資料：
之前都擔心過個遊戲室乾唔乾淨, 原來個老閭每日都花好長時間清潔, 佢自己小朋友亦每日去嗰度玩, 所以佢都好注重衞生!
(以上食評乃用戶個人意見 , 並不代表OpenRice之觀點。)
張貼