Bove (已結業)

本身好鍾意食雞旦仔同格仔餅，不過宜家出面唔係間間好食.....夜晚十二點幾經過淘大諗住食啲野先反屋企，心諗咁夜都係麥記架啦，點知見到呢間舖未關門，行入去睇一睇原來係雞旦仔，咁即刻問關左門未，點知個店主好好人話整埋俾我🤩🤩，即刻要左份原味雞旦仔，等既時間唔太耐，雞旦仔外脆內軟，果一刻諗反起由細到大牛頭角下村炭爐呀叔雞旦仔，好掛住果種味道，同店主傾左一陣，感覺到佢係一個好有熱誠既人，做飲食行業一定要有個心先整到好食既食物出黎，雖然同炭爐雞旦仔朕味唔同，但都好好食，食雞旦仔咁耐我都無試過食其他味，咁多年我都係食原味雞旦仔，因為只有原味既雞旦仔先食得出佢係咪真係好食，希望店主會一路keep住呢個 ❤️去做每一件雞旦仔，值得翻食的雞旦仔👍👍下次試埋格仔餅😋😋