影片
更多
2008-10-12
5 瀏覽
10號晚約咗朋友食飯，因為之前嚟過漢和食午市自助餐，覺得唔錯，所以今次就提議再嚟開飯。但剛剛向朋友推薦完，我就係呢度發覺劣評如潮，慘啦，個心即刻涼咗一節，事關D朋友都唔係冇所謂、冇要求嘅人，於事唯有啦啦聲打去同樣係旺角嘅東大門，果間似乎幾多好評，應該可以試試，但事與願違......7點冇位，要我訂6點半......唉~等我買咗私人直升機之後可能會趕到嚟。冇計啦，整定我同漢和有緣，所以當晚我懷住戰戰兢兢嘅心情赴約......預咗俾朋友鬧。去到樓下，望下隻錶...遲咗10分鐘，仲有人係度等位添，我哋又唔夠半數人，佢...會唔會唔留位俾我呢?越諗越驚，驚俾朋友掟落街...結果，係我諗多咗，佢哋幫我KEEP住個位，就算我哋人數未夠一半，佢照俾我入去，哈~放心咗一半。另一半，當然要等食過之後先知啦。依家，就等我嚟一次實況報道食物嘅質素。首先係三文魚魚生，OK喎，幾新鮮。加上師傅就係食物枱後面，佢一見清碟，就即刻遞第二盤出嚟，補給超快，就算再多人攞，或者攞再多，都唔怕分唔到，正!跟住係生肉，選擇的確係少，比起上次午市嚟食，肉質又似乎失色咗，冇咁新鮮甜美，可能就係午市同晚市嘅分別啦，不過醃得依然好好
但剛剛向朋友推薦完，我就係呢度發覺劣評如潮，慘啦，個心即刻涼咗一節，事關D朋友都唔係冇所謂、冇要求嘅人，於事唯有啦啦聲打去同樣係旺角嘅東大門，果間似乎幾多好評，應該可以試試，但事與願違......7點冇位，要我訂6點半......唉~等我買咗私人直升機之後可能會趕到嚟。
冇計啦，整定我同漢和有緣，所以當晚我懷住戰戰兢兢嘅心情赴約......預咗俾朋友鬧。
去到樓下，望下隻錶...遲咗10分鐘，仲有人係度等位添，我哋又唔夠半數人，佢...會唔會唔留位俾我呢?越諗越驚，驚俾朋友掟落街...結果，係我諗多咗，佢哋幫我KEEP住個位，就算我哋人數未夠一半，佢照俾我入去，哈~放心咗一半。
另一半，當然要等食過之後先知啦。依家，就等我嚟一次實況報道食物嘅質素。
首先係三文魚魚生，OK喎，幾新鮮。加上師傅就係食物枱後面，佢一見清碟，就即刻遞第二盤出嚟，補給超快，就算再多人攞，或者攞再多，都唔怕分唔到，正!
跟住係生肉，選擇的確係少，比起上次午市嚟食，肉質又似乎失色咗，冇咁新鮮甜美，可能就係午市同晚市嘅分別啦，不過醃得依然好好，夠入味。朋友仲讚牛舌好食，但本人建議唔好燒太耐，否則如趙牙膠。
熟食方面，今次我只係食咗泡菜同沙律。先講泡菜，味就夠啦，但口感差，成口都係用嚟醃泡菜嘅辣椒粉，呢樣應該係關泡菜供應商嘅事。沙律方面，保持水準呀，唔係偷工減料貨色。當然，只係韓燒，你又唔好諗住會落重料，但至起碼，個沙律唔會水汪汪，或者沙律醬少得可憐，仲有個小小小小沙律吧俾你自己配搭，唔錯啦。
至於對我呢D嗜甜者萬分重要嘅甜品，就不可不提啦。呢度嘅豆腐花，好滑，好新鮮，比起出面D所謂甜品店好太多，值得一試。建議分兩次攞，每次攞半碗(大食者，可每次攞一碗)，第一碗可以選擇落煉奶(唔擔保冇三聚氰胺)，第二碗就落傳統黃糖，一次滿足兩個貪念，哈!
另外，朋友話個人蔘雞湯唔錯，有好香嘅人蔘味...不過我冇問佢有冇雞味喎，再者我已經肚凸如懷孕，真係飲唔落，所以冇試過。
至於環境，地板有D跣，但唔知關唔關我對鞋事，因為我D朋友都唔覺跣，或者我下次著咗防滑鞋再去啦，但整體嚟講，都好乾淨，包括洗手間。
服務方面，我同朋友都覺得好好，幾有禮服，收碟又快。臨走前，我哋係度影相，仲有一個似係經理嘅女士(冇著制服，但有帶WALKIE TALKIE)主動走嚟話幫我哋影大合照，真係好人。走果陣，D待應都有同我哋講BYE BYE。
所以，當晚我係自己行落樓下，而冇俾朋友掟落嚟，亦冇被人怨，哈哈哈~今次真係放心晒，好開心。
張貼