Spices Island Mixed Fusion Food (已結業)

由新開張全部餐牌8折食到而家只有主餐牌8折，味道口感仍然保持水準。晚餐餐牌仍然比散叫平同有飲品跟。雖然晚餐餐牌變化少了（仍有pizza，意粉，咖哩配飯及nan），但性價比仍比同一條街既另外兩家餐廳優勝得多（不另收加一）。晚餐附送的飯口感較特別，爽口。燒魚意粉充滿忌廉味，但食落唔會覺得好滯。咖哩款式算多，除了印度口味，有甜的，辣的同有果仁，牛油味等等。Pizza較厚身同口感鬆軟，有8片。消費滿250蚊仍然有小食附送，雖然送的餃子變少了，燒雞變相好有吸引力。6個人去食叫了4個晚餐，散叫2款咖哩再追加1份nan，埋單586蚊，食得飽之餘價錢仍是吸引。