許祥昌食店

營業中

休息中

細個我喺元朗住，媽咪成日帶我去呢一間車仔麵食晏晝。真係可以堪稱由細食到大嘅麵店！ 相信係好多元朗人嘅童年回憶😌通常我就唔會散叫，直接叫例牌，懶得揀呀嘛！😆😆例牌係樣樣都有，就好似我張相咁樣。佢嘅餸通常都有少少味嘅，另外個湯就可以揀辣唔辣。例牌有分大中細，我今日叫個細就ok，因為想飲埋杯涼粉紅豆冰❤️❤️❤️講起嘢飲，佢有好多選擇，紅豆，奶茶，涼粉，咖啡，鴛鴦😎以上嘅可以隨便配搭🤤另外仲有三色冰，涼粉冰，雜果冰，菠蘿冰等等，你想加涼粉咩？又得！老實講，你話佢係咪超好食呢又唔係嘅，不過平得來食得過係真既，而且對老店真係有個情意結喺度，所以間唔時返元朗都會幫襯下😎😎😎