珍意泰國菜館 (已結業)

今晚突然想食泰國菜 當然要黎呢間食！7點黎到已經好多人等緊 等左6張枱 大約20分鐘就入得 入到去果然全場爆滿😆我地點左個 海南雞飯 咸肉炒芥蘭 椰汁冰海南雞飯佢係用油飯 飯粒好煙韌 有小小似糯米既質感咬落有好香既香茅味同雞油香🐥而佢既雞好嫩滑 雞皮食得出係煮熟完過左冷河 令佢好彈牙佢個醬係甜豉油加左啲辣椒🌶點小小提起晒雞肉既鮮味 又唔會太辣同鹹咸肉芥蘭份量適中咸肉炒完都仲係好脆 好香口略嫌芥蘭有啲硬 再炒耐啲就更好🤢但佢既薑蒜辣椒都好惹味🤪椰汁冰椰香味好濃 飲得出唔係溝出黎既 十分高質！😍咁樣2個人已經好飽 埋單155$ 都唔算好貴會再黎食！😋