南대門3號

營業中

休息中

久違嘅韓國菜！醒起好耐冇食過韓國菜，呢日就同朋友去咗尖沙咀韓國街食午餐～南대門3號由韓國人主理，店面及廚師都係不諳中英文嘅韓國人，不過餐牌都有寫中文字，加上圖文並茂，所以落單並唔係問題。午市套餐好抵食，不設加一。一坐低，店員就先送上三款韓式前菜，有泡菜、芽菜及翠玉瓜，呢排天氣炎熱，有酸酸辣辣嘅韓式前菜食特別消暑。紫菜包飯$56 一客有10件，每件都餡料豐富，有黃瓜、蘿蔔、雞蛋、香腸、青瓜等等，色彩繽紛，令人食指大動！石鍋拌飯$82石頭飯都係我鍾意嘅韓式料理之一，七彩繽紛嘅材料鋪滿在石鍋上，再混合韓式辣醬，簡單又惹味！拌飯嘅份量都非常慷慨，飯多材料又多，絕對飽肚。辣海鮮湯麵$82好耐冇食過辣海鮮湯麵，懷念嘅味道！呢碗辣海鮮湯麵超級足料，海鮮鋪到滿滿，有青口、蜆、大蝦等，湯底入口鮮甜，既有海鮮嘅鮮味，又要蔬菜嘅香甜，微微帶辣，好醒胃。