影片
更多
2024-06-09
179 瀏覽
做完facial八點幾，不如就返屋企前喺附近食埋嘢啦。行過去棉登徑就見到有一間壽司店，見到佢嘅menu有甲羅燒。諗起上個禮拜食完甲羅燒之後又好想再食多次，所以就入去食下啦。入到去環境充滿日式風情，見到天花板有唔同嘅日式裝飾，甚至隔離有海報黐住點樣食刺身。除咗大廳之外亦都有包廂，我仲見到包廂入面有吉卜力嘅poster。見到酒櫃除咗日本酒之外，亦都有茅台同埋威士忌。我諗住嗌少少嘢食就夠喇，所以就嗌咗一份壽司，兩條串燒同埋最緊要嘅甲羅燒。佢哋係用電話點單，同時都會畀一本餐牌嚟我覺得好貼心，scan咗QR code佢有得畀你選擇中定英文，咁就可以解決言語不通嘅問題。首先第一個上場嘅係甲羅燒，不過呢個同我上一個星期食嘅有啲唔同，今次嘅配菜就係有梳打餅。配料方面我就叫咗個海膽蟹味噌甲羅燒，亦都有配上鵪鶉蛋，蔥同蟹籽。同人哋會有店員幫我燒，店員好細心咁樣燒，除咗確保一定係熟之外，亦都會調教蟹蓋唔同角度咁燒，務求口感同熟度都係一致。過咗一陣就已經燒好，蟹膏嘅香味已經撲鼻而來。放上去梳打餅度，軟綿嘅蟹膏同爽脆嘅梳打餅完美融合，同樣蟹膏係冇腥味，但相對上因為比較濃味所以海膽味減弱，再配上一梳梳嘅蟹肉同蟹籽
入到去環境充滿日式風情，見到天花板有唔同嘅日式裝飾，甚至隔離有海報黐住點樣食刺身。除咗大廳之外亦都有包廂，我仲見到包廂入面有吉卜力嘅poster。見到酒櫃除咗日本酒之外，亦都有茅台同埋威士忌。我諗住嗌少少嘢食就夠喇，所以就嗌咗一份壽司，兩條串燒同埋最緊要嘅甲羅燒。佢哋係用電話點單，同時都會畀一本餐牌嚟我覺得好貼心，scan咗QR code佢有得畀你選擇中定英文，咁就可以解決言語不通嘅問題。
首先第一個上場嘅係甲羅燒，不過呢個同我上一個星期食嘅有啲唔同，今次嘅配菜就係有梳打餅。配料方面我就叫咗個海膽蟹味噌甲羅燒，亦都有配上鵪鶉蛋，蔥同蟹籽。同人哋會有店員幫我燒，店員好細心咁樣燒，除咗確保一定係熟之外，亦都會調教蟹蓋唔同角度咁燒，務求口感同熟度都係一致。過咗一陣就已經燒好，蟹膏嘅香味已經撲鼻而來。放上去梳打餅度，軟綿嘅蟹膏同爽脆嘅梳打餅完美融合，同樣蟹膏係冇腥味，但相對上因為比較濃味所以海膽味減弱，再配上一梳梳嘅蟹肉同蟹籽，令到口感亦都再升一層次。 食完梳打餅之後都仲淨低一啲蟹膏，就可以留待晏啲嘅特別用途。
話咁快就到壽司上場，我叫咗赤鬼海佬天反卷，係用蟹籽包住有天婦羅蝦同青瓜嘅卷物。上面鋪滿三文魚子，然後再淋上少少辣味嘅千島醬。 值得一賺天婦羅嘅蝦嘅炸皮非常之薄，食落去覺得冇負擔，一啖咬落去三文魚子嘅汁喺我口腔爆發，再連同壽司一齊顯得相當益彰，三文魚子嘅質素亦都好唔錯，非常新鮮，所以一啲腥味都冇，而係全部都係鮮味。 微辣嘅醬汁嘅能夠有提先同埋可以有減膩嘅作用。正當食到最後幾嚿嘅時候我諗到將蟹膏放上去試下，估唔到又撞出新嘅口感，暖暖嘅蟹膏同凍嘅壽司好似冰火雙重奏，而蝦同蟹亦都非常之夾，我覺得係令壽司提升另一個層次。
最後講講兩條串燒分別叫咗牛肉金菇卷，同香草腩肉車厘茄卷。香草腩肉車厘茄卷嘅腩肉肥瘦適中，唔會話過肥。 而佢嘅表面好似搽咗一陣燒鵝嘅玻璃芡咁樣，非常之有光澤，令肉嘅表面望落通透，佢哋設計到係一口size，一咬落去車厘茄就爆汁喺口腔爆發，車厘茄唔會話好酸所以好易入口，再加上本身串燒嘅醬汁都係有少少甜，所以令到腩肉亦都唔會話太鹹，串燒嘅香草亦都好夠香，令咀嚼串燒嘅時候亦都瀰漫一種香草嘅味道。金菇牛肉卷亦都係有查上佢哋嘅燒汁，而佢哋嘅火喉控制得好好，所以金菇亦都唔會話燒到燶咗。 同人哋火喉控制得非常好，牛肉唔會話燒到好鞋口，燒汁亦增添甜味。而咬開入面就見到金菇仍然好濕潤，食落去十分之舒服。
張貼
