山喬居酒屋

營業中

休息中

電車比地鐵慢，但可以隨電車嘅慢節奏，由喧鬧嘅筲箕灣，途經世界金融中心嘅中環，去到老香港嘅堅尼地城。電車除咗海岸線嘅路段之外，跑馬地更加係電車獨市經營嘅鐵路路線。所以今日坐電車嚟到跑馬地，嚟到呢間極具和式風情嘅山喬居酒屋，開啟我哋嘅電車美食地圖。串燒作為一間居酒屋，當然要叫串燒啦！串燒選擇非常多，我哋就叫咗蘆筍豚肉串、雞腎、雞軟骨。爽口嘅雞腎同雞軟骨係我哋嘅大愛，店主用咗少少鹽調味，鹹香加上焦香，非常惹味！清酒廣島蠔蠔身飽滿鮮甜，以香醇嘅清酒提味，一啲都唔苦，比例啱啱好！三文魚鮫三文魚餃勁多肉，而且啖啖肉，完全無骨！近絞位仲要勁滑，加上魚皮燒到鹹香脆口，鍾意食三文魚嘅真係唔可以錯過。銀雪魚西京燒定食山喬居酒屋嘅午市定食非常抵食，提供15款主菜選擇，加上前菜、麵豉湯及飲品，非常豐富。其中銀雪魚西京燒真係無得輸嘅選擇！銀雪魚非常香滑，油香豐富，加上西京燒醬汁，啱晒送飯啦！北海道三色丼鍾意食魚生、刺身、壽司，午市定食都有。呢個北海道三色丼非常豐富，三文魚籽漲卜卜，超鮮甜；但最驚艷當然係大大隻嘅赤蝦，蝦肉非常鮮甜，勁多蝦膏，非常滿足。