FLIPPER'S (已結業)

女仔總係鐘意甜品當正餐，但作為男仔硬係覺得正餐要食鹹食。今次又要陪人食班戟，本來諗住陪佢食完之後自己去食個雲吞麵，點知有驚喜。FLIPPER'S係班戟專門店，即叫即整，所以都要等一陣。就係呢個餐牌，當D女仔望住上面個栗子班戟既時候，我見到竟然有煙肉煎蛋班戟，絕對係我救星。充滿牛油味的既熱香餅上面有隻太陽蛋，仲有塊唔太油膩既煙肉。刺穿蛋汁再加埋蜜糖，味道層次幾豐富。食食下覺得膩可以食下旁邊既紫椰菜同新鮮沙律菜，酸酸甜甜，好開胃。飲品有三種口味，我一定係叫芒果珍珠奶，煙韌既珍珠加埋濃濃既芒果味，好似飲緊奶昔咁。今晚終於唔使食個雲吞麵先返屋企啦。