混亂拉麵 (已結業)

食完個pre-dinner 糖水，食番個正餐先~時間尚早，7點多d, 終於比我見到混亂拉麵唔洗等位啦， 你d規矩嚇我唔到既，快快趣入去坐低先~叫左個普通既混亂拉麵，再加一個全部都有既混亂拉麵，呢度既芽菜、蒜、背脂先生（豬油粒）可以自由選擇唔加、正常、兩倍或三倍份量，連肉/蛋/麵都可加配，彈性都幾高~混亂拉麵黎啦，都係試湯先啦，入口係超濃郁既豬骨湯味，稍為濃左同膩少少，但撈云d芽菜，蒜，再加少少七味粉同佢地自製既醬油（少少甜）同醋，個口味就岩啦。雖然都係重口味，但淡左dd又有蒜香都幾唔錯~碗麵D中粗麵好彈牙，叉燒更係想像唔到既嫩，超正，連埋背脂粒同椰菜芽菜一齊食，有d油脂香又爽爽地，絕配D醋入面唔知點解要放條魚，好似標本咁，有少少恐佈，但倒出黎試又唔覺有魚味呢混亂拉麵全部都有版，比普通版多左原隻糖心蛋，芝士粉，筍絲，粟米~ 因為有芝士粉，所以味道更加濃厚~混亂拉麵味道濃厚份量又唔細（下次我要挑戰芽菜三倍入），可能唔係咁岩大部分既普通人，剩係岩男子漢（女漢子）架咋。但未試過梗係要黎試下啦，鐘意食既都唔好成日黎，始終都係少食多滋味嘛，成日食不利我既減肥大計添啦