影片
更多
2024-07-04
3568 瀏覽
我相信好多香港人呢排放假都會返大陸消費，貪佢商場大多嘢玩食嘢又平，種類又多。但係因為今日放假，要去複診做物理治療，所以留咗喺香港，就唯有喺香港消費啦😂今日出到旺角去咗一間日式放題，野食款式都幾多而且刺身熟食各樣都幾新鮮認真要推介大家。刺身<4/5>佢哋刺身款式唔算特別多，有三文魚，油甘魚，赤蝦，甜蝦，北寄貝，帶子嗰啲款都有齊，但係全部刺身都好新鮮，三文魚大細恰到好處有光澤👍，而且啲赤蝦全部都有剝咗殼，全部蝦蝦線都清得好乾淨，非常貼心🥹燒物<5/5>佢哋嘅串燒係我比較推介嘅一環，鹽燒海蝦隻隻好大隻肉質爽口🦐🦐，翠玉瓜燒出嚟好香好多汁💦鹽燒牛脷超好食🤩🤩炸物<3/5>佢哋嘅炸物款式都算OK，自己比較鍾意食榴槤炸彈，聽佢哋講啲榴槤炸彈係馬來西亞進口，所以榴槤味特別香，至於啲天婦羅炸唔算太厚，不過可能係炸定，所以正正常常啦。小炒<5/5>我想講佢哋啲小炒可以話呢間放題係一間被日本野耽誤咗嘅大排檔😄，全部小炒都好有鑊氣，炒通菜，炒牛柳粒，炒蜆我最鍾意，全部都有好有大排檔風味👍👍👍甜品飲品<4/5>佢哋嘅甜品同飲品款式
今日出到旺角去咗一間日式放題，野食款式都幾多而且刺身熟食各樣都幾新鮮認真要推介大家。
刺身<4/5>
佢哋刺身款式唔算特別多，有三文魚，油甘魚，赤蝦，甜蝦，北寄貝，帶子嗰啲款都有齊，但係全部刺身都好新鮮，三文魚大細恰到好處有光澤👍，而且啲赤蝦全部都有剝咗殼，全部蝦蝦線都清得好乾淨，非常貼心🥹
燒物<5/5>
佢哋嘅串燒係我比較推介嘅一環，鹽燒海蝦隻隻好大隻肉質爽口🦐🦐，翠玉瓜燒出嚟好香好多汁💦鹽燒牛脷超好食🤩🤩
炸物<3/5>
佢哋嘅炸物款式都算OK，自己比較鍾意食榴槤炸彈，聽佢哋講啲榴槤炸彈係馬來西亞進口，所以榴槤味特別香，至於啲天婦羅炸唔算太厚，不過可能係炸定，所以正正常常啦。
小炒<5/5>
我想講佢哋啲小炒可以話呢間放題係一間被日本野耽誤咗嘅大排檔😄，全部小炒都好有鑊氣，炒通菜，炒牛柳粒，炒蜆我最鍾意，全部都有好有大排檔風味👍👍👍
甜品飲品<4/5>
佢哋嘅甜品同飲品款式唔算特別多，但係大路嘅都會有，不過特別窩心嘅係佢哋嘅甜品好多都係自家製有木糠布甸，椰汁奶凍，桂花糕，黑糯米糖水，桃膠燕窩撞椰奶，呢個位要加分👍
最後我嘅感受就係雖然返國內消費有好多唔同嘅選擇，又經濟又實惠，但係自己係香港人，其實香港仲有好多餐廳值得我哋支持，香港嘅經濟靠我哋香港人出一分力💪💪💪
張貼
