瀛喜日本料理 (已結業)

因為大家都忙，未有時間搵食咩，所以同友人邊行邊睇下D廣告版啦。友人話想食放題，我想打邊鑪，所以揀左呢間又可以打邊爐，又可以放題既瀛喜。先來一份刺身船，大大隻蝦、肥美既三文魚、鮮帶子等。都算新鮮。跟住仲有小龍蝦，小龍蝦好多膏，望落已經超吸引，食落啖啖肉，彈牙鮮味，唔使一陣，我都友人都消滅左佢。跟住上枱既係卜卜蜆鍋，份量超多，鋪滿蒜蓉粒、莞茜，再加左少少辣椒，滾左陣，己經見到蜆開始慢慢開口，啱晒呢排涼涼地既天氣呀，蜆肉吸收左蒜味同辣椒味，香辣惹味。而且蜆都幾肥美，啖啖肉.食完卜卜蜆，跟住打邊爐就緊接住上枱，我地揀左椰子雞湯底，香甜的椰香味好啱配海鮮食，唔使order，侍應已經送上呢盤海鮮，有鮑魚、鮮蝦、元貝、蟶子、蠔等，果然係航母級海鮮盤。鮑魚同蝦肉質都幾彈牙，幾鮮味。魚肉好滑。元貝夠晒肥，啖啖肉。另外，仲有大量火鍋配料可以order，豬牛雞、丸類和蔬菜，食到捧住個肚走呀!放題食物選擇都好多，所以想食埋放題都一樣無問題。