影片
更多
2022-03-21
616 瀏覽
近排越黎越多餐廳暫停營業，好耐冇去中意嘅餐廳食飯啦！ 唯有睇下之前食嘢嘅相，望梅止渴喇........呢間佐敦嘅神燈海鮮酒家，主打經典粵式點心同粵菜，之前大時大節都會去食架，雖然價錢少少貴喇，但食物質素真係冇得頂，我願意俾呢個價！神燈小炒王呢個好似係經典菜式，見到好多枱都有order。印象最深刻就係加左油炸鬼落去炒，油炸鬼好脆好香口，又吸嗮其他料啲味，好香好惹味，同埋好想送啤酒食！叉燒神燈嘅燒味好抵讚，午市點心嘅乳鴿已經好出色，次次黎食點心放題都同屋企人人手兩隻。估唔到叉燒都咁有水準。好似仲有個牛肉版嘅叉燒，等開業要去試試。首先叉燒汁甜度適中，隱約嘅炭燒味好正，肉質嫩得黎有咬口，肥瘦均勻，好似唔知係用啲咩好啲嘅豬肉整。菠蘿咕嚕肉雖然咕嚕肉周圍有，但好多地方都整到好伏。唔係好多肥豬肉，就係炸到好硬，炸粉包到好厚。我對咕嚕肉要求都偏高，神燈嘅咕嚕肉我覺得都有中上水准。醬汁酸甜適中，keep到香脆嘅口感，重點係舊豬肉肥瘦適中，彈牙有肉汁。麥皮蝦呢個好似係神燈必食嘅菜式，一上枱已經聞到浸好香嘅麥皮味，係麥香加少少奶香嘅感覺。咬落口完全好鬆脆，入邊嘅蝦肉好鮮甜，落單姐姐真係冇介紹錯。平時連年三十
呢間佐敦嘅神燈海鮮酒家，主打經典粵式點心同粵菜，之前大時大節都會去食架，雖然價錢少少貴喇，但食物質素真係冇得頂，我願意俾呢個價！
神燈小炒王
呢個好似係經典菜式，見到好多枱都有order。印象最深刻就係加左油炸鬼落去炒，油炸鬼好脆好香口，又吸嗮其他料啲味，好香好惹味，同埋好想送啤酒食！
叉燒
神燈嘅燒味好抵讚，午市點心嘅乳鴿已經好出色，次次黎食點心放題都同屋企人人手兩隻。估唔到叉燒都咁有水準。好似仲有個牛肉版嘅叉燒，等開業要去試試。首先叉燒汁甜度適中，隱約嘅炭燒味好正，肉質嫩得黎有咬口，肥瘦均勻，好似唔知係用啲咩好啲嘅豬肉整。
菠蘿咕嚕肉
雖然咕嚕肉周圍有，但好多地方都整到好伏。唔係好多肥豬肉，就係炸到好硬，炸粉包到好厚。我對咕嚕肉要求都偏高，神燈嘅咕嚕肉我覺得都有中上水准。醬汁酸甜適中，keep到香脆嘅口感，重點係舊豬肉肥瘦適中，彈牙有肉汁。
麥皮蝦
呢個好似係神燈必食嘅菜式，一上枱已經聞到浸好香嘅麥皮味，係麥香加少少奶香嘅感覺。咬落口完全好鬆脆，入邊嘅蝦肉好鮮甜，落單姐姐真係冇介紹錯。
平時連年三十同八號風球都開嘅餐廳都暫停營業，呢個疫情真係搞死人........希望快啲過，大家都可以食到中意食嘅餐廳喇。
神燈小炒王
21 瀏覽
0 讚好
0 留言
菠蘿咕嚕肉
21 瀏覽
0 讚好
0 留言
叉燒（豬）
28 瀏覽
0 讚好
0 留言
麥皮蝦
49 瀏覽
0 讚好
0 留言
張貼
